Энэ нь Монгол Улс болон Евразийн эдийн засгийн холбоо (ЕАЭЗХ), түүний гишүүн орнууд (ОХУ, Беларусь, Казахстан, Армен, Киргизстан) хооронд байгуулсан Худалдааны түр хэлэлцээр бөгөөд 3 жилийн хугацаатай байгуулан, 07 сарын 22-ны өдрөөс хэрэгжиж эхэлсэн.
Тус хэлэлцээр нь Монгол Улсын экспортын бүтцийг төрөлжүүлж, уул уурхайн бус бүтээгдэхүүний экспортыг нэмэгдүүлэх, Монголын үйлдвэрлэгчдэд ЕАЭЗХ-ны 180 гаруй сая хэрэглэгчтэй зах зээлд илүү таатай нөхцөлөөр нэвтрэх боломжийг бүрдүүлэхэд чиглэж байна.
Энэхүү хэлэлцээрийн зорилго нь:1. Талууд хоорондын барааны худалдаан дахь тариф болон тарифын бус саад тотгорыг багасгах, эсхүл арилгах замаар хөнгөвчлөх болон чөлөөлөх
2. Талууд хоорондын эдийн засаг, худалдааны хамтын ажиллагааг дэмжих
3. Талууд хоорондын худалдааг өргөжүүлэн төрөлжүүлэхийг дэмжих
Хэлэлцээрийн хүрээнд Монгол Улс болон ЕАЭЗХ-ны тал тус бүр 367 нэр төрлийн бараанд гаалийн тарифын хөнгөлөлт эдлэхээр тохиролцсон бөгөөд үүнд:– Тарифыг бүрэн тэглэх
– Тариф бууруулах
– Тогтоосон квотын хүрээнд тарифыг тэглэх
– Тогтоосон квотын хүрээнд тарифын хөнгөлөлт үзүүлэх зэрэг зохицуулалт багтана.
Монгол Улсаас экспортлох 367 барааны 97.5 хувь нь хөдөө аж ахуй, мал аж ахуйн гаралтай бүтээгдэхүүн байна.– Мах, махан бүтээгдэхүүн
– Ноос, ноолуурын зарим бүтээгдэхүүн
– Арьс ширэн бүтээгдэхүүн
– Зөгийн бал
– Зарим төрлийн хүнс, ундаа зэрэг уул уурхайн бус бүтээгдэхүүнүүд багтаж байна.
Хэлэлцээрийн хавсралт үзэх: https://drive.google.com/…/1JYEJTBinT4pQUyMNwDGcpM…/view
