Хөрөнгө оруулалт, худалдааны газрын дарга Б.Зандан тэргүүтэй Монголын төлөөлөгчид Бүгд Найрамдах Чех Улсын Гадаад хэргийн яамны Эдийн засаг, шинжлэх ухааны дипломат ажиллагааны газрын дэд дарга Мартин Башта болон тус яамны холбогдох албаны төлөөлөлтэй уулзалт хийлээ. Уулзалтыг Бүгд Найрамдах Чех Улсаас Монгол Улсад суугаа Элчин сайдын яамны дэмжлэгтэйгээр зохион байгуулсан бөгөөд хоёр талын эдийн засаг, шинжлэх ухаан, инновацын хамтын ажиллагааг өргөжүүлэх асуудлаар санал солилцов.Тухайлбал, технологи, сэргээгдэх эрчим хүч, дата төв, хөдөө аж ахуй, тоног төхөөрөмж, аялал жуулчлал зэрэг салбарт хамтын ажиллагаа хөгжүүлэх, Чех Улсын дэвшилтэт технологи, туршлагыг судлах, нутагшуулах боломжийн талаар хэлэлцлээ.
Талууд цаашид харилцан ашигтай хамтын ажиллагааг өргөжүүлж, бизнес, шинжлэх ухаан, инновацийн салбарын байгууллагуудын харилцаа холбоог бэхжүүлэхийн чухлыг онцоллоо.
